Winterbouk

Dit Grunnegs Winterbouk is n bouk mit van ales en nog wat vol dieverdoatsie en tiedverdrief ien wintermoanden. Verhoalen, gedichten, puzzels, roadsels, grappen, waitensweerdegheden en aal zuks meer.

t Bouk is moakt mit aacht Hogelandster schrievers, want aacht is meer as doezend: Annie van Dijken-Hooghuis, Bé Kuipers, Kunny Luchtenberg, Nane van der Molen, Ingeborg Nienhuis, Klaas Pieterman en Fré Schreiber.
Dat binnen ja mor zeuven. Klopt, dij aachtste schriever nuimen wie Mengelmous, van ales wat. Dieuwer Mulder- Groenewold (1939-2022) oet Waarfhoezen schreef veul verhoalen ien t Nederlands en haar aaltied aal wèns dat ter ais wat van vertoald wer. Van Aafke van Hoorn-Meinardi (1944-2021) binnen n poar stukjes opnomen. Hans Werkman von nog n schier gedicht van homzulf en weerman Henk Veldman (1943-2022) hil t winterweer bie van 1929-2020.
En wat denk je van iesboanverhoalen van Henk Aikema, jeugdherinnerns van Wim Groeneveld en dat biezundere verhoal van Hannie Niemeijer oet dij boare winter van 1963. Komt nog bie dat Jaap Nienhuis (Jopke Nainhoes) zien verhoal over boare Elfstedentocht oet dat zulfde joar aanleverde.
Aalmoal waark dat nog nait aargens aans ien stoan het en hail geschikt.

Linosneden op omslag en ien binnenwaark binnen moakt deur Antoinet Pastoor